ஏன்த்த???...

தாயோட பொறந்தவனெல்லாம் ஆம்பள அம்மான்னு,
சொன்னாரு அப்பா...
அப்பாவோட பொறந்த நீ...
பொம்பள அப்பா இல்லையாத்த?
சுல்த்தான் பெத்த சொக்கத்தங்கம்..
ரோசா நெறத்துல மின்னும் ஒன் அங்கம்..
படிச்சிருந்தா..நீ..பாராண்டிருப்ப!
என்ன..பிடிக்காமத்தான்..போராடுர இப்ப!
சின்ன மகன், செல்ல மகனுக்கு,
ஒன்..சின்ன ஊருல பொண்ணு தேடாம..
சீமக்கி வந்து ஏன்த்த சீரழிஞ்ச?
என்ன...ஒன் ஊருக்கு கட்டியாந்து,ஏன்த்த சீரழிச்ச?
சீருல கொற,வகிட்டு நேருல கொற,
வளராத மாருல கொறன்னு ..என் பேருல..ஆயிரம் கொற!
வாராத மாமணியா வந்த ஒன் புள்ள தேடி...
நானாத்த வந்தேன் ஒன் ஊருக்கு?
பின்ன வீணா ஏன் சொன்ன கொற என் பேருக்கு?
பள்ளிக் கூடம் படிச்சி வந்த
பாவி மக என் கழுத்துல..
தாலிக்கொடி ஏத்த, ஏன்த்த நெனச்ச?
என் அறிவு வெளக்க ஏன்த்த நீ அணச்ச?
அளகு ராசா ஒன் புள்ளன்னு..
தெரிஞ்சு தான புடிச்ச என்ன?
கட்டச்சின்னு ஏன்த்த பின்ன சொன்ன?
என் தன்னம்பிக்கைய ஏன்த்த நீ கொன்ன?
கொளுந்தன், கூட்டாளிக ,மருமக்க பெருமையெல்லாம்
என் காதுல நீ கேக்கும் படி பண்ண!
என் கொறைய மட்டும் அவுகளுக்குச் சொன்ன!
என்ன தான் சொல்லத்த...
ஏதும் தான் பண்ணத்த...
எங்கப்பனோட பொறந்துட்ட நீயும் பொண்ணா..
நான் ஆடாட்டியும்..என் சத ஆடுது தானா!!!