மறக்காமல் வா..

ஓர் சுயநலத்தருணத்தில்,

சிதறிப் போனது..

தேவதைகள் ஆசிர்வதித்துத் தந்த

நம் காதல் மாலை..

நடவையில் இருக்கும்

சபிக்கப்பட்ட பொழுதுகளில்,

"உனக்கு முன் மரணம் வந்தால்

நீ வந்து சேரும் வரை..

மூடாது என் விழிகள் "

என்று,

நாம் கதைத்த காதல் நொடிகள்

கைகொட்டிப் பரிகசிக்கின்றன.

இதோ....

இமை மூடா,

உயிர்ச் சவமாய் ,

உலவிக்கொண்டிருக்கின்றேன்.

காதல் வளையம் தகித்து,

கருகிப்போன என் தேகத்துக்கு,

மலர்வளையம் சமர்ப்பிக்கவாவது...

மறக்காமல் வா. ..

...ஷஹி...